The three-language formula is a bad idea – Dhir jhingran (தமிழில்: உதயலட்சுமி)

வாசிக்கும் நேரம்: 3 நிமிடங்கள்

Dhir jhingran (founder director of Language and Learning Foundation, and a former IAS officer who worked as director in the ministry of HRD, and principal secretary, education, Government of Assam) அவர்களின் மும்மொழி பற்றிய கருத்துகளை எழுத்தாளர் விழியன் அவர்கள் பதிவிட்டதும், அனைவரையும் சென்று சேர தமிழாக்கம் செய்யத் தோன்றியது. செய்திருக்கிறேன் முடிந்தவரை. இதில் கவனிக்க வேண்டியது. ஒரு மொழியியல் வல்லுநரே மூன்றாம் மொழியை அறிமுகப்படுத்த வேண்டியது அவசியமில்லை எனக் கூறுகிறார். அப்படியானால் இந்த கல்விக் கொள்கை எவ்வளவு முரண்பாடுகளைக் கொண்டுள்ளது என யோசியுங்கள். உங்களுடைய கருத்தை மெயிலில் தெரிவியுங்கள். இன்னும் நான்கு நாட்களே உள்ளன.கீழே தமிழாக்கம் உள்ளது.

1968 மற்றும் 1986 கல்வி கொள்கைகளிலிருந்து, மும்மொழி திட்டம் முன்மொழியப்பட்டு இருக்கும் புதிய தேசிய கல்விக்கொள்கை 2019 எவ்வாறு வேறுபட்டிருக்கிறது?

2019 கல்விக்கொள்கை குழந்தைகள் ஆரம்பக் கல்வியிலிருந்து மூன்று மொழிகளை கற்பது சிறந்தது என்கிறது. அப்போதுதான் எட்டு அல்லது ஒன்பது வயதிலேயே மூன்றாவது படிக்கும்போதே படிப்பது மற்றும் எழுதுவதில் மூன்று மொழிகளிலும் திறன் பெற முடியும். முந்தைய கொள்கைகளில் ஆரம்பக் கல்வியிலேயே மூன்றாவது மொழி கற்பிக்க வரையறுக்கப்படவில்லை. நடுநிலைப் பள்ளிகளில் மூன்றாவது மொழி அறிமுகப்படுத்தச் சொன்னது. நிச்சயமாக கிடப்பில் போடப்பட்டிருந்த மூன்றாவது மொழி கற்றல் அணுகுமுறை தற்போது 2019 வரைவுக் கொள்கையில் புத்துயிர் கொடுக்கப்பட்டுள்ளது.

மூன்றாவது மொழி ஒலி அடிப்படையில் கற்பிக்கப்படும் வகையில் கொள்கைகள் முன்மொழியப்பட்டுள்ளதா?

கொள்கையில் கூறப்பட்டுள்ள மும்மொழி திட்டம் குற்றம் வாய்ந்தது. NEP கொள்கையில் 2 லிருந்து 8 வயது வரை உள்ள குழந்தைகள் மொழிகளை வேகமாக கற்க முடியும் ஆகவே ஆரம்ப நிலையிலேயே மூன்றாம் மொழியைக் கற்பித்தல் மூன்றாம் வகுப்பிலேயே மூன்று மொழிகளையும் படிக்க இயலும் என்று கூறுகிறது. ஆனால் குறைந்தது மூன்று பிரச்சினைகள் இந்த கருத்தில் உள்ளது.

முதலாவதாக,வரைவு குழுவினர் மொழியைக் கற்பித்தல் மற்றும் மொழியை கைப்பற்றுதல் இடையே குழப்பம் கொண்டுள்ளனர். குழந்தைகள் பல மொழிகளை கற்பதற்கு இயலும் என்பதற்கு போதுமான ஆராயப்பட்ட ஆதாரங்கள் காண்பிக்க வேண்டும். குழந்தைகள் தாய் மொழியை கற்றுக் கொள்வதில் அவர்கள் வீட்டில் இயல்பான அர்த்தம் நிறைந்த உரையாடல்கள் போதுமான அளவு நிகழ்வது சாத்தியமாகையில் பல மொழிகளை கற்றுக் கொள்ளவும் சாத்தியமாகும்.

இளங் குழந்தைகள் அறிமுகமில்லாத புதிய கூடுதலான ஒரு மொழியை கற்பதற்கான வசதிகளை முறையாக பள்ளிகள் பாடப்புத்தகங்கள் மற்றும் ஆசிரியர்கள் தேர்வு முறையுடன் வழங்கப்பட எந்த ஆதாரமும் இல்லை. உண்மையில் பத்து வயதிற்கு மேற்பட்ட குழந்தைகளுக்கு வகுப்பறையில் கூடுதலான மொழிகளை கற்பிக்க இயலும் என்பதை வேண்டுமானால் பரிசோதனை செய்யலாம்.

அறிமுகம் இல்லாத மொழியை கூடுதலாக கற்பிக்கும் போது குழந்தைகளுக்கு பேசும் திறனை வளர்ப்பதில் கவனம் செலுத்துவது பரவலாக அங்கீகரிக்கப்படுகிறது. எழுத கற்பிப்பதை முடிந்த அளவு தள்ளிப் போடலாம்.

2019 மும்மொழி கல்வி பற்றிய வரைவு கொள்கையில் குழந்தை பள்ளிக்குச் சென்ற முதல் மூன்று வருடத்தில் மூன்று மொழிகளை கற்க வேண்டும் என்று எதிர்பார்க்கப்படுகிறது .எடுத்துக்காட்டாக இந்தியைத் தாய்மொழியாகக் கொண்ட மாநிலத்தில் கூடுதல் மொழியாக தேவநாகரி மொழியும், வேறு ஒரு இந்திய மொழியும், ஆங்கிலத்தில் ரோமன் மொழியையும் கற்க வேண்டும் . இது குழந்தைக்கு மிகப்பெரிய அறிவு சுமை. ஐந்திலிருந்து ஏழு வயதிற்குள்ளாகவே ஒவ்வொரு இந்திய மொழிகளில் உள்ள 400 முதல் 700 வரையான மொழி குறியீடுகளை பள்ளி சேர்ந்த இரண்டு அல்லது மூன்று ஆண்டுகளில் எவ்வாறு கற்றுக்கொள்ள இயலும். இந்த பொருத்தமற்ற வரைவு உருவாக்கம் குழந்தைகள் மீது அனுமதிக்கப்படக்கூடாது. பல ஆய்வுகள் ASAR போன்ற ஆய்வுகள் நிரூபிக்கின்றன அதாவது பெரும்பான்மையான குழந்தைகள் மூன்றாம் வகுப்பில் கூட ஒரு மொழியை எழுத பேச புரிந்துகொள்வதில் தோல்வி அடைகிறார்கள் என்று. ஆனால் மூன்றாம் வகுப்பிலேயே மூன்று மொழிகளை பேசும் திறன் பெற்றிருக்க வேண்டும் என்பது நடைமுறையில் சாத்தியமில்லை.

மூன்றாவதாக குழந்தைகள் தம் தாய்மொழி அல்லது வீட்டில் பேசும் மொழியின் அடிப்படையில் பள்ளியில் கற்கும் முறையை தேர்ந்தெடுக்கலாம் என்று 2019 NEP 4.5 பிரிவு அங்கீகரிக்கிறது. ஆனால் எப்படி மும்மொழிக் கொள்கையை ஆரம்பக் கல்வி மற்றும் தொடக்கக் கல்வியில் தாய்மொழியுடன் இணைக்க முடியும்? உதாரணமாக இந்தி பேசும் மாநிலங்களில் இந்தியை தாய்மொழியாக கொள்ளாத மாணவர்களுக்கு இந்தியில் பாடப் புத்தகங்கள் உள்ளன இங்கே அந்த குழந்தை முதல் மூன்று வருட பள்ளிக் கல்வியிலேயே நான்கு மொழிகளை கற்க வேண்டி இருக்கும் தாய் மொழி, இந்தி, வேறு ஒரு இந்திய மாநில மொழி மற்றும் ஆங்கிலம்

நாடு முழுவதும் இந்த மும்மொழி கற்பித்தல் சாத்தியமா ?

நாட்டின் அனைத்து பகுதிகளிலும் மும்மொழிக் கொள்கையை செயல்படுத்த இயலாது தென்னிந்தியாவின் குறிப்பிட்ட மாநிலங்களில் இந்தியை வலியுறுத்த முடியாது இந்தி பேசும் மாநிலங்கள், வேறு மாநில மொழியை கற்க வலியுறுத்த முடியாது ஆரம்பக் கல்வியிலேயே ஒன்று முதல் மூன்றாம் வகுப்பில் மூன்று மொழிகளை கற்க எதிர்பார்க்கலாம் ஆனால் இது தோல்வியையே தரும்.

தென்னிந்தியாவில் இந்தி கட்டாயம் கற்க வலியுறுத்துவது பற்றி உங்கள் கருத்து?

ஆரம்பக் கல்வியில் குழந்தை தன் தாய்மொழியில் கற்க கவனம் செலுத்த வேண்டும் அந்தந்த மாநில மொழியில் எழுத,படிக்க, பேச திறன் பெறுவதை உறுதி செய்ய வேண்டும் பேசினால் புரிந்து கொள்ளவும் முடிந்த அளவு திரும்ப பதில் கூறவும் இரண்டாம் மொழியான ஆங்கிலத்தில் திறன் வளர்க்கலாம் . முதல் வகுப்பிலேயே இரண்டாம் மொழியாக ஆங்கிலத்தை அறிமுகப்படுத்த அவசியமில்லை என்பதை இங்கே கவனிக்கவேண்டும். ஆரம்பக் கல்வியிலேயே மூன்றாம் மற்றும் நான்காம் மொழியை அறிமுகப்படுத்த வேண்டியது இல்லை இது மாதிரி மொழிகளைப் பேச வேண்டுமானால் பயிற்சி அளிக்கலாம் அது கூட இயல்பான செய்திகளை பரிமாறிக் கொள்ளும் விதத்தில் பயிற்சி அளிக்கலாம். ஆறாம் வகுப்பு அதற்கு மேலான வகுப்பில் வேண்டுமானால் கூடுதலான மொழியை கற்பிக்க சொல்லித் தரலாம் மேலும் இந்த கூடுதல் மொழிகளை கட்டாய தேவையாக்கக் கூடாது .குழந்தை அல்லது பெற்றோர் விருப்பத்தின் பேரில் வேண்டுமானால் கற்பிக்கலாம். இதன்படி இந்தி கற்றுக்கொள்ள வேண்டிய அவசியம் இல்லாத பள்ளி வாழ்க்கைக்கு பிறகும் வேறு இடங்களிலும் அவசியப்படாத மாநிலங்களில் இந்தி கற்பித்தல் பொருத்தமற்ற ஒன்றாகும் வேண்டுமானால் இடைநிலை அல்லது நடுநிலைப்பள்ளிகளில் பிற மொழிகளில் இந்தி மொழியைப் பேசும் திறனை வளர்த்துக்கொள்ளலாம்

மொழிக் கொள்கை பற்றி தங்களுடைய கருத்து என்ன?

குழந்தையின் ஆரம்ப கல்வி மற்றும் குழந்தைப் பருவத்தில் வீட்டில் பேசும் அல்லது தாய் மொழியில் குழந்தை நன்கு புரிந்து கொண்டு பேசும் திறன் வளர்த்தல் வேண்டும் .பிறகு அந்தந்த மாநிலத்தின் மொழியில் படிக்கவும் எழுதவும்மான திறனை மூன்றாம் வகுப்பில் வளர்க்கலாம் ஆங்கிலத்தை வாய்மொழியாகவே கற்பிக்கவேண்டும் மூன்றாம் வகுப்பு வரை கூடுதல் மொழிகளை குழந்தைகள் பள்ளிகள் மற்றும் பெற்றோர் விருப்பத்திற்கேற்ப நடுநிலைப்பள்ளிகளில் அறிமுகப்படுத்தலாம்.

நன்றி:www.hindustantimes.com
ஆங்கிலத்தில் வாசிக்க : https://bit.ly/2X4opGf

Leave a comment